Unit Code: ITK703

Unit Name: Advanced studies in iTaukei language and literacy writing

Description: Ena kena gadrevi me ra dauniveivakavulici vinaka e na veika vakaViti o ira e ra vulica na taba ni vuli qo, e bibi kina me taucoko na nodra vakarautaki, vakauasivi ena veika e baleti keda na itaukei e rawa ni yali yani kevaka eda sega ni maroroya. E lalawataki tale ga ena vuli qo me ra volaitukutukutaka e so na ivakarau ni noda bula ni veimaliwai vakaveiwekani. Ena kumuni itukutuku ena qaravi tiko ena vuli qo, e dodonu me volaitukutukutaki na veika e rawa ni volai me tabaki qai maroroi vinaka tu. Qo e na vakauqeti ira na noda gone mera vakadidike vakalevu, wilivola vakalevu qai volavola ena nodra vosa. Ena rawa tale ga mera vakadewataka na nodra vosa ina vosa raraba kei na vosa vakavalagi. Na taba ni vuli qo e 100 na pasede [e sega kina na veitarogi] e soli e na nodra cakacaka lavaki na vuli qasenivuli, kena inaki me vakatorocaketaki na ivakatagedegede ni nodra kila na nodra vosa kei na kena duidui eso ni vakayagataki ena volavola vakaitaukei. E vakarautaka e dua na yavudei dodonu vakaitaukei me vakayacori kina na vakadikevi titobu, tasereki qai volai na kena itukutuku vakavuli ena nodra vosa me vakatabakidua i na kena ibalebale titobu e na noda bula. Ena vakatorocaketaka tale na nodra vakalewa na veika e ra wilika, na bulibuli ka ni nodra vakasama kei na kila ni volavola. Me taucoko kina na taba ni vuli qo, e vakarautaki tale ga e dua na gauna me ra veisiko vakavuli kina na vuli qasenivuli e na so na vanua kei na veitabana e qaravi vakatabakidua kina na veika vakaitaukei. Qo me vakatitobutaka na nodra kila na veika e ra na vakaiyaragitaki ira kina ena nodra cakacaka ni veivakavulici ni tiko na vanua e ra rawa ni kere veivuke kina me solia tale ga vei ira na yalo ni vakavinavinaka me ra cibitaka qai taukena na nodra vosa kei na volavola, nodra ivalavala kei na ivakarau ni bula ena veisiga.

Learning Target Outcomes:

Prerequisite: N/A

Prerequisite Sentence: All 500 units, 600 units, 701 & 702 units.(FIJ 501, 502, 601, 602, 701, 702)

Credit Point: 15

Offered In: Semester 2